User:Weekeejames/chEspañolNaFilipinas

El Español es un lenguaje que significante na historia y cultura del Filipinas. Este lenguaje percivido negativo como lenguaje del mana elitista Filipino mas con el Ingles (como el Ingles, un lenguaje que tienne valor practical de cada dia na entero pais). El Español ya termina como oficial lenguaje del Filipinas del año 1973 y ya termina tambien como incluido na curiculum del mana colegio del ano 1987.

Asegun con el censo del 1990, tienne mas o menos 2,658 hablantes Espanol y mas o menos 292,630 Chabacano (creole) hablantes na entero nacion de Filipinas. Tiene mil de mana palabras que ay puede encuntra na mana 170 lenguajes de Filipinas, a cerca 13 milion documentos escribido na Espanol na mana archivo del Filipinas. El mana corte de ley hasta ahora ta conoce siempre con este mana documento escribido na Español. Mucho ta cre cay el Espanol como un vivo lenguaje hinde mas ay tarda na sociedad Filipino. Mientras tanto, prinsipiando del año 2005, ta subi el interes del mana Filipino otra ves con este lenguaje por causa con el necesidad con el lenguaje Español na mana como se llama "call centers."

Historia

Na Tiempo Del Mana Español

Ya introduci con el lenguaje Español na Filipinas cuando el conquistador Miguel Lopez De Legazpi ya pinsipia con el fundacion del establisimiento del mana Español na isla de Cebu del año 1565. El Filipinas es un teritorio de España por 333 años (1565-1898).

Maskin pa no hay hace fuerza el mana Espanol con el mana Filipino manda aprende con este lenguaje, acquel tiempo tienne 10 por ciento del entero populacion mana Español hablantes. El Español el solamente lenguaje del mana minoria Espanol y mana mestizos, y el segunda mas importante lenguaje del mana nativos ilustrados. El posicion del Iglesia Romano Catolico na Filipinas acquel mana tiempo amo que ay enseña y dale sermon el mana padre usando tambien el mana nativo lenguaje del mana Filpinos. Entonces, ya tienne acquel clase de mana nativo Filipinos quien ya aprende lenguaje Español por medio como mana traductor del mana padre. Uno di este mana nativos amo el poetico Gaspar Aquino de Belen quien ya produci un poema, el Pasyon, na Tagalog usando mana scripto Romano. El Pasyon es un poema que ta dale estoria asegun el pacion, muerte y resureccion del Jesu Cristo. Y despues el mana balada Español de valor como El Corrido, usando como modelo del mucho pa mana clase de literatura que ya produci el mana nativo Filipino. Uno di este el Komedya, un clase de narativo de verso popular na mana local lenguaje y entre mana majoria nativos ignorante na lenguaje Español.

To be continued...