User:Patitapabana Pani

ପରିଚୟ

ପରାଧୀନ ଭାରତ କୁ ମୁକ୍ତ ଆକାଶ ର ବିହଙ୍ଗ ରୂପରେ ସଜାଡି ଦେବାରେ ହେଉ କିମ୍ବା ଉତ୍କଳ ଜନନୀ ର "ବନ୍ଦେ ଉତ୍କଳ ଜନନୀ " ସଂଗୀତ ହେଉ, ସବୁଥିରେ ଭଦ୍ରକ ଜିଲ୍ଲା ର ମହିମା ଅବର୍ଣ୍ଣନୀୟ | ସେଇ କାନ୍ତ କବି ଲକ୍ଷ୍ମୀକାନ୍ତ ମହାପାତ୍ର ଙ୍କ ଜନ୍ମମାଟି ଭଦ୍ରକ Bhadrak ନିବାସୀ ଶ୍ରୀ ଗୌରୀଶ୍ୟାମ ପାଣି ଓ ସ୍ବର୍ଗୀୟ ଶ୍ରୀମତୀ ବିଦ୍ୟୁତପ୍ରଭା ପାଣି ଙ୍କ ଜ୍ଯେଷ୍ଠ ପୁତ୍ର ଶ୍ରୀ ପତିତପାବନ ପାଣି ସୁନାମଧନ୍ୟ KIIT ବୈଷୟିକ ବିଶ୍ୱବିଦ୍ୟାଳୟ ରୁ M. Tech ଶିକ୍ଷା ପ୍ରାପ୍ତ କରି ବର୍ତ୍ତମାନ ବାଙ୍ଗାଲୋର ସ୍ଥିତ ଏକ ଉଚ୍ଚ ପ୍ରତିଷ୍ଠିତ କମ୍ପାନୀ ରେ କାର୍ଯ୍ୟରତ | ପିଲାଟି ଦିନରୁ ଓଡ଼ିଆ ଭାଷା ସାହିତ୍ୟ ରେ ଥିଲା ତାଙ୍କର ଅଗାଧ୍ୟ ରୁଚି | ବ୍ୟସ୍ତ ବହୁଳ ଜୀବନ ର ଅବସର ମୁହୂର୍ତ୍ତ ସେ କଟାନ୍ତି ଓଡ଼ିଆ କବିତା, ଗପ ଓ ଉପନ୍ୟାସ ଲେଖା ରେ | କାଳ୍ପନିକତା ଠାରୁ ଅଧିକ ବାସ୍ତବତା ରେ ବିଶ୍ୱାସ ରଖୁଥିବା ରୁ ତାଙ୍କର ପ୍ରତି ଲେଖା ରେ ସମାଜ ର ବାସ୍ତବତା ର ଝଲକ ଦେଖିବାକୁ ମିଳେ | ଷ୍ଟୋରୀ ମିରର ଓ ପ୍ରତିଲିପି ର ଏକ ନିୟମିତ ଲେଖକ ସହ ନିଜର ଫେସବୁକ ପେଜ୍ "ମୋ ଲେଖନୀ ରୁ ପଦେ " ରେ ଲେଖକଙ୍କର ଓଡ଼ିଆ ସାହିତ୍ୟ ପ୍ରତି ରହିଥିବା ରୁଚି ର ଝଲକ ଦେଖିବାକୁ ମିଳେ | ଓଡ଼ିଆ ସାହିତ୍ୟ କୁ ଦେଉଥିବା ସେବା ସହ ସେ Unicef ପରି ଅନେକ ସଂସ୍ଥା ର ନିୟମିତ ସଦସ୍ୟ ମଧ୍ୟ, ଯେଉଁଥିରେ ଜଡିତ ହୋଇ ସେ ଗରିବ ଓ ଅନାଥ ପିଲାମାନଙ୍କ ସହ ସମୟ କାଟିବା ସହ ସେମାନଙ୍କୁ ଆର୍ଥିକ ସାହାଯ୍ୟ ମଧ୍ୟ କରିଥାନ୍ତି |

ପିଲାଟି ଦିନରୁ ଓଡ଼ିଆ ସାହିତ୍ୟ ଓ ମାତୃଭାଷା ପ୍ରତି ତାଙ୍କର ରହିଥିଲା ଅହେତୁକ ଦୁର୍ବଳତା | ହେଲେ ବୈଷୟିକ ଶିକ୍ଷା ରେ ସମୟ ଅତିବାହିତ କରୁଥିବାରୁ ପୂର୍ଣ୍ଣଛେଦ ପଡିଥିଲା ତାଙ୍କ ଲେଖା ଲେଖି ରେ | ହେଲେ ଚାକରୀ ଜୀବନର ଅବସର ସମୟ ତାଙ୍କୁ ପୁଣିଥରେ ବାଧ୍ୟ କରିଥିଲା ସୁପ୍ତ ଲାଭା ର ଉଦ୍ଗିରଣ କରିବା ପାଇଁ ଓ ପୁଣିଥରେ ଓଡ଼ିଆ ମାତୃଭୂମି ଓ ମାତୃଭାଷା ପାଇଁ ତାଙ୍କର ଥିବା ଦୁର୍ବଳତା ସମସ୍ତଙ୍କ ସାମନା କୁ ଆସିଥିଲା | ବହୁତ କମ ସମୟ ମଧ୍ୟରେ ବହୁତ କିଛି ଗଳ୍ପ, କବିତା ଲୋକଙ୍କ ମଧ୍ୟରେ ଆଦୃତ ହେଇ ପାରିଛି |

ତାଙ୍କ ଲେଖା ର କିଛି ଝଲକ ନିମ୍ନ ଲିଖିତ ଗଳ୍ପ ଓ କବିତା ରୁ ପାଇଁ ପାରିବେ |

1-ଭଦ୍ରକ !

ସବୁଜ ଧାନ କ୍ଷେତ ର ଲହଡ଼ି

ମେଘରେ ମୁହଁ ମାଜୁଥିବା ପାହାଡ଼

ଅସ୍ତଗାମି ସୂର୍ଯ୍ୟ ର ଲୋହିତ ଚଦର

ସମ୍ପ୍ରଦାୟ ର ସମନ୍ଵତା ବିଚଳିତ କରେ ଯେଉଁଠି

ତାର ନାଁ ଭଦ୍ରକ !

ସର୍ବଧର୍ମ ର ସମନ୍ୱୟ ରକ୍ଷା କରି ଆଉ ସେ ଗଣେଶ ପୂଜା, ମହରମ୍ କି

ରାମ ନବମୀ ନାହିଁ ଏଠି

ରାମ ଙ୍କ ସେନା ଠାରୁ ପ୍ରଶାସନ ର ସେନା ଏଠି ଅଧିକ

ଚରଂପା ର ପଥର ଗିଳ କ୍ରସର୍ ଙ୍କ ଆଁ ଭିତରେ

ମରିପଡିଚି ଏଠି ସବୁଜ କ୍ଷେତ

ପାହାଡ଼ର ଛାତି ଚିରି ବୁହା ଚାଲିଛି ଟ୍ରକ ଟ୍ରକ ରକ୍ତ

ଦିନ ଯାକର ନଡ଼ିଆ କଦଳୀ ଖାଇ, ଆଗ ଗାଡ଼ିଆ ର ପାଣି ପିଇ

ଆଖି ବୁଜି ଶୋଇଯାଇଛନ୍ତି ଲୋକନାଥ

ବନ୍ତ ଛକ ରୁ ଶେଷ ଗାଡି ଗଡିଯାଏ

ବିଦେଶ ରୁ ଫେରିଥିବା ପୁଅ କୁ ବିଦାୟ ଦିଏ ବାପ

ମା ମୁହଁ ହେଇଯାଏ ଛଳ ଛଳ

ବହୁ କଷ୍ଟରେ ସେ ରାତି ପାଏ

କାନ୍ଦ କାନ୍ଦ ଦିଶେ ବନ୍ତ ଛକ

ବଙ୍କବାସୁଳି ଙ୍କ ପବିତ୍ର ମଂତ୍ର ରୁ ଏଠି ସକାଳ ଆସେ

ସାଳନ୍ଦୀ କୂଳ ରେ ସମ୍ପର୍କୀୟ ଙ୍କ ବିରହ ର ବତୀ ଜଳେ

ନଈ ପାଣିରେ ଦିଶେ ପ୍ରିୟ ମଣିଷ ର ପ୍ରତିବିମ୍ବ

ହଁ

ଏଇ ଆମ ଭଦ୍ରକ !

ଏ ବିଡମ୍ବନା ର ନାଁ ଭଦ୍ରକ