User:Nadupalli

Nadupalli Srirama Raju (N. S. Raju) is an Indian Telugu language professor, writer, critic and language activist. He has published several articles in Telugu-grammar and authored 15 books. Telugu dictionary "Nadupalli Pathasala Nighantuvu" is a collection of 10,000 commonly used words in school which is selected for high school education.

Early Life and Education

పశ్చిమగోదావరి జిల్లా తణుకు తాలూకా పసలపూడి అనే నామాంతరం ఉన్న గొడిచెర్ల గ్రామంలో సంప్రదాయ బ్రాహ్మణ కుటుంబానికి చెందిన పుణ్యదంపతులు శ్రీమతి నడుపల్లి ఆదిలక్ష్మి, సత్యనారాయణమూర్తి గార్లకు ద్వితీయ కుమారుడుగా 10-06-1948వ తేదిన శ్రీరామరాజు జన్మించారు. వీరికి ఒక అన్నగారు, ఇద్దరు చెల్లెళ్లు ఉన్నారు. స్వాతంత్ర్య ఉద్యమంతో సంబంధం ఉన్న కుటుంబం కావడం చేత వీరి తండ్రిగారు విప్లవవీరుడు అల్లూరి సీతారామరాజు మీద అభిమానంతో వీరికి రాజు పేరును ఉంచారు. వీరి తెలిసీ తెలియని వయసులోనే తండ్రిగారు దివంగతులు కావడంతో కుటుంబం మనుగడకు తనే తల్లీ, తండ్రీ అయిన త్యాగమయి వీరి మాతృమూర్తి. ఆవిడ ఆజీవమూ రాట్నము వడికి ఖద్దరు కట్టిన ఆదర్శమూర్తి. వీరి విద్యార్థి దశలో 1962లో తాడేపల్లిగూడెం సమీపంలోని ఉంగుటూరు దగ్గర జరిగిన అఖిల భారత సర్వోదయ సమ్మేళనంలో నాటి రాష్ట్రపతి బాబూ రాజేంద్రప్రసాద్‍గారి సమక్షంలో రాట్నం వడికిన తన తల్లిగారితో పాటుగా వీరు కూడా పాల్గొన్నారు. 1964లో తణుకు ఉన్నత పాఠశాల నుంచి వీరు ప్రెసిడెంట్‍స్కౌట్‍గా ఎంపికయి రాష్ట్రపతిభవన్‍లో నాటి రాష్ట్రపతి డా. సర్వేపల్లి రాధాకృష్ణన్‍గారి నుంచి ధ్రువపత్రం అందుకొన్నారు. ఈ సంఘటనలు వీరిలో స్ఫూర్తిని నింపాయి. రాజుగారి ధర్మపత్ని శ్రీమతి అరుణ.