User:HHill/sandbox

Test 1

Omnes admodum homines, qui pertinere ad humani officii culturam existimarunt ut aliquod linguarum opus studio ingeniorum excuderent, id speciali cura elaborarunt ut, sive utiles res ac probas sive inutiles atque improbas stilo texerent, seriem tantum rerum nitore verborum illustrarent causisque ipsis, quas loqui vellent, loquendo lucem accenderent. Itaque ad hanc se partem ex utroque genere litterarum scriptores mundialium negotiorum plurimi contulerunt, non satis considerante, quam probabilibus materiis se impenderent, dummodo ea, quaecumque dicerent, aut compto et blando carmine canerent aut luculenta oratione narrarent. Omnes enim in scriptis suis causas tantum egerunt suas, et propriis magis laudibus quam aliorum utilitatibus consulentes non id facere adnisi sunt, ut salubres ac salutiferi, sed ut scholastici ac diserti haberentur. Itaque scripta eorum aut vanitate sunt tumida aut falsitate infamia aut verborum foeditatibus sordida aut rerum obscenitate vitiosa, ut vere, cum ingeniorum tantum laudem aucupantes tam indignis rebus curam impenderent, non tam illustrasse mihi ipsa ingenia quam damnasse videantur

Test 2

Itaque ad hanc se partem ex utroque genere litterarum scriptores mundialium negotiorum plurimi contulerunt, non satis considerante, quam probabilibus materiis se impenderent, dummodo ea, quaecumque dicerent, aut compto et blando carmine canerent aut luculenta oratione narrarent.