User:Barkulsomnath

उस्मानाबाद - चिटफ़ंड घोटाळ्यातील आरोपी महेश मोतेवारची एक आलिशान कार उस्मानाबादेत फिरत असून, एक दलाल तो वापरत आहे. पोलिसांना याची माहिती असूनही पोलीस ही कार ताब्यात घेत नसल्याने आश्चर्य व्यक्त केले जात आहे.

गुंतवणूकदारांची फसवणूक केल्याप्रकरणी समृद्ध जीवन फूड्स इंडिया प्रा. लि .आणि समृद्ध जीवन मल्टिस्टेस्ट मल्टिपर्पज कंपनीचे सर्वेसर्वा महेश मोतेवारसह २५ आरोपीना पोलिसांनी अटक करून विविध ठिकाणी गुन्हे दाखल केले आहेत. सध्या या प्रकरणाचा तपास राज्य गुन्हे विभागाकडे आहे. सीआयडीने आतापर्यंत २३३ कोटीची संपत्ती जप्त केली आहे, मात्र उस्मानाबादेत असलेली एक कार आणि उस्मानाबाद तालुक्यातील उत्तमी कायापुर येथे असलेली जमीन ताब्यात घेतली नसल्याने आश्चर्य व्यक्त होत आहे.

समृद्ध जीवनच्या पुण्यातील दोन फरार संचालकांना सीआयडीने नुकतीच अटक केली आहे. मोतेवारच्या संपत्तीवर टाच आणण्याचे काम अजूनही सुरु आहे.